Hjarteleg velkommen til Reidun Fjereide Algrøy sin eigen stad på nettet, blyantstreken.no. Her kan du lese smakebitar frå Reidun sine dikt og betraktningar. Du kan også bestille bøker på epost. Husk å skrive antall bøker, fullt namn og adresse i eposten.
Reidun Fjereide Algrøy er busett vest på Sotra, der hav møter land. Ho har gjeve ut boka «Mellom menneske» som er dikt i nynorsk språkbunad. Reidun er oppvaksen på Sotra, og arbeider som kunstnar. I tillegg til dikt og forteljingar har ho i ei tid drive med skulptørverksemd. Reidun er fascinert over naturen og menneska, og likar å skildre det eine i det andre.
Boka «Mellom menneske» er hennar fyrste bok, og her finn ein mykje livsvisdom gjennom vakre ord og setningar. Ho har også gjeve ut diktboka «Ospesong» og romanen «Trollspeglar».
Smakebitar
Her er nokre av dikta du finn i «Mellom menneske». Dikta kan nytast og nyttast. Dersom du vil nytte dei til meir kommersielle føremål set vi pris på om du tek kontakt med oss.
Åleine
Orda, ventande, lengtande mot ei kjensle. Kjensle bak attlate dør, soleis har det vore – lenge. Ord og kjensle trivst i lag, men ofte einsame, ofte attlatne dører.
– Reidun Fjereide Algrøy
Saman
Vi lutar oss mot vinden, saman, stør oss til kvarandre, fell ikkje so lett, når vi er to, når livet vert tøft og sjøen går høgt, då stør vi oss til kvarandre
– Reidun Fjereide Algrøy
Val
Då du valde å gjera det gode, tende du ein liten flamme av varme i mitt sinn. Livet er skjørt og kan so lett gå i stå. Orda du forma, gav liv, trøyst og von. Takk for at du valde bort dei vonde orda, dei vi alle har i bagasjen. Likt eit hus som kastar lange skuggar i lav vintersol, kan dei vonde orda, kasta skuggar i våre sinn.
– Reidun Fjereide Algrøy
Ospesong
Reidun Algrøys andre bok er ei diktsamling, og inneheld skildringar av natur og menneskeleg samspel.
Ny veg
Stengsel i gamalt spor i elv som alltid har vore, lagar ny veg gjennom urørd jord, piplar fyrst berre tåre for tåre.
Call us now: